एजेन्सी – स्मरणशक्ति सबै मानिसमा समान हुँदैन, तर कोहिमा केही रोगका कारण पनि ह्रास आइरहेको पाईन्छ। हामी दैनिक जीवनमा आइपर्ने स–साना कुरा बिर्सिराखेका हुन्छौँ। केही कुरा छिट्टै बिर्सने र त्यो लामो समयसम्म स्मरण नहुने धेरै मानिसको समस्या हुन्छ। स्मरणशक्ति सबै मानिसमा समान हुँदैन। तर, केहीमा रोगका कारण पनि स्मरणशक्तिमा ह्रास आइरहेको पाइएको छ। स्मरणशक्ति हाम्रो जीवनशैलीमा पनि निर्भर रहन्छ।
स्मरणशक्ति बढाउने उपाय
निद्राका कारण हाम्रो स्मरणशक्ति जीर्ण भइरहेको हुन्छ। त्यसैले दिमागलाई सधैँ चनाखो बनाइराख्न पर्याप्त निद्रा आवश्यक पर्दछ। नियमित रूपमा योगाभ्यास, व्यायाम गर्दा मस्तिष्कमा सन्तुलित रूपमा रक्तसञ्चार हुन्छ भने बदाम, ओखर, हरियो सागपात, ग्रीन टी आदिको नियमित सेवन गर्नाले पनि स्मरणशक्ति बढाउँन मदत पुर्याउँदछ।
दिमागलाई कसरत हुने खेल–बाघचाल, चेस, लुडो आदि खेलखेल्दा पनि दिमाग तेजिलो हुन सहयोग पुग्छ। त्यसैले यस्ता खेलहरू समय मिलाएर खेल्नु उपयुक्त हुन्छ। त्यस्तै दैनिक नयाँ कुराको खोजी गर्नुस्, जसले तपाइकाे दिमागलाई सधैँ सक्रिय राख्छ र स्मरणशक्ति जीर्ण हुनबाट बचाउँछ। यसले मस्तिष्कलाई स्वस्थ राख्नुका साथै स्मरणशक्ति बढाउँछ।
सम्झन गाह्रो हुने नाम, वस्तु र संख्यालाई आफूले स्मरण गर्न सक्ने वस्तुसँग जोड्ने गर्नाले पनि बिर्सने समस्याबाट राहत पाउन सकिन्छ। घर या अफिसका सामान सधैँ निश्चित ठाउँमा राख्ने गर्नाले ती सामान हराउनबाट जोगाउँन सकिन्छ।
