एजेन्सी– चिनी बाटै उत्पादन गरिने मिश्रीलाई अंग्रेजीमा रक सुगर भनिन्छ। चिनी स्वास्थ्यका लागि त्यति राम्रो मानिँदैन। तर चिनीकै रूप भए पनि मिश्रीमा केही गुणहरु छन्, जसले हाम्रो स्वास्थ्यमा आउने सानातिना समस्याको समाधान गर्न सक्छ।
मिश्रीका औषधीय गुण
– पाचन क्रिया सुधार्नका लागि मिश्री प्रयोग गर्न सकिन्छ। यसमा रहेको तत्तवले आन्द्राका लागि फाइदाजनक हुन्छ, मिश्रीमा मरिचको धुलो र घिउ मिलाएर बनाइएको पेस्ट राति सुत्नुअघि मनतातो पानीका साथ लिँदा खोकी ठिक हुन्छ।
– दैनिक खानापछि मिश्रीको थोरै मात्रामा सुप मिसाएर खाने गर्दा फाइदा मिल्छ। अमिलो डकार र मुखको दुर्गन्ध हटाउँछ। घाँटीमा खसखस भयो वा खोकीले सताउँदा मिश्रीको सानो टुक्रा मुखमा राख्दा आराम मिल्छ।
– बच्चाहरुलाई पनि रुघा खोकी लाग्दा मिश्री खुवाउन सकिन्छ, मिश्रीलाई पानीमा मिसाएर पिउँदा आराम हुन्छ, तातो दूधमा केसर र मिश्री मिलाएर पिउँदा शरीरमा शक्ति तथा स्फूर्ति आउँछ र यसले शरीरमा हेमोग्लोबिनको मात्रा बढाउँछ। यसले यौन दुर्बलता कम हुन्छ, त्वचामा कान्ति सगैं शरीरमा तागत आउँछ।
