काठमाडौं – बलिउड अभिनेता टाइगर श्राफको फिल्म ‘बागी ३’ को ट्रेलर सार्वजनिक भएको छ। लामो समयदेखि प्रतीक्षित यो फिल्मको ट्रेलरमा टाइगरलाई दमदार एक्सनका साथ देख्न सकिन्छ।
फिल्ममा दाजुभाईको मायालाई प्र्दर्शन गरिएको छ। आफ्नो भाइलाई समस्या पर्दा ज्यान लिन र दिन तयार हुने युवकको कथामा आधारित छ। टाइगरका भाइको भूमिकामा रितेश देशमुख छन् भने फिल्ममा श्रद्धा कपूरको मूख्य भुमिका रहेको छ।
फिल्मको कहानी अनुसार आफ्नो भाइलाई बचाउन टाइगर सिरिया जान्छन्। टाइगरलाई एक्सन र स्टन्टका साथसाथै शर्टलेस पनि देखाइएको छ। अहमद खानले निर्देशन गरेको यो फिल्म आउँदो मार्च ६ मा रिलिज हुँदैछ।
https://youtu.be/qGT0ID_U73Q
