एजेन्सी– अष्ट्रेलियन बिग बास क्रिकेट लिगको च्यालेन्जर्स खेलमा मेलबर्न स्टार्सले सिड्नी थण्डरसामु १ सय ९५ रनको उच्च चुनौती प्रस्तुत गरेको छ।
घरेलु मैदानमा टस जितेर ब्याटिङमा उत्रिएको मेलबर्नले निर्धारित ओभरमा २ विकेट गुमाएर १ सय ९४ रनको बिशाल योगफल तयार पारेको हो। मार्कोस स्टोईनिस र निक लारकिनले समान ८३ रन बनाएको मेलबर्नको ईनिङसमा निक माडिसनले ११ र ग्लेन म्याक्सवेलले ४ रन बनाए।
सिड्नी थण्डरका क्रिस मोरिसले २ विकेट लिए। आजको विजेताले बिग बासको उपाधिका लागि सिड्नी सिक्सर्ससँग प्रतिस्पर्धा गर्नेछ। सिक्सर्सले मेलबर्न स्टार्सलाई हराउँदै उपाधि यात्रा तय गरेको हो।
