काठमाडौं– आज (शुक्रवार)देखि नेपालमा विराज भट्टको फिल्म ‘साङ्लो’ र विपिन कार्कीको फिल्म ‘सेल्फी किङ्ग’ प्रदर्शनमा आएको छ।
विराज भट्ट निर्देशित फिल्म ‘साङ्लो’ मा गुण्डागर्दीको साङ्लोमा उनिएको एक समूहको कथा देखाइएको छ। फिल्ममा विराज भट्ट, निकिता चाण्डक, कामेश्वर चौरासिया लगायतका कलाकारको अभिनय रहेको छ। फिल्ममा एक्सन, रोमान्स र प्रेमकथा देख्न सकिन्छ।
यस्तै फिल्म ‘सेल्फी किङ्ग’ मा एक हास्यकलाकारको कथा देख्न सकिन्छ। यो फिल्ममा विपिन कार्की, लक्ष्मी बर्देवा, भुवन चन्द, अभय बराल, जीवन भट्टराई लगायतका कलाकारको अभिनय छ। बाबुछोराको भावनात्मक सम्बन्ध देखाइएको यो फिल्मको गत बुधवार प्रिमियर गरिएको थियो। प्रिमियरमा फिल्म रुचाइएको थियो।
