काठमाडौं– आइसीसी विश्वकप लिग २ अन्तर्गको नेपाल, ओमान र अमेरिका सम्मिलत त्रिकोणात्मक सिरीजको दोस्रो खेलमा नेपाल र अमेरिका भिड्दैछन्।
सिरीजको पहिलो खेलमा ओमानसँग १८ रनले पराजित नेपाल पहिलो जितको खोजिमा हुनेछ भने आफ्नो पहिलो खेलमा ओमानसँग ६ विकेटले हारेको अमेरिका पनि खेलमा नेपाललाई स्तब्ध पार्दै पहिलो जित निकाल्ने दाउमा छ। खेल टियु क्रिकेट मैदान कीर्तिपुरमा बिहान ९ः३० बजे शुरु हुनेछ।
यसैबीच अमेरिकी प्रशिक्षक र कप्तानले आयोजक नेपालको सामना गर्न तयार रहेको बताएका छन्। ओमानसँगको खेलमा सामान्य कमजोरीका कारण हार बेहोर्नुपरेको बताउँदै उनीहरुले नेपालसँगको खेल कठिन हुने भएतापनि जित्नकै लागि खेल्ने बताएका हुन्।
