काठमाडौं– सौगात मल्ल र दिया पुनकको फिल्म ‘मन्त्र’ को टिजर सार्वजनिक भएको छ। शुक्रबार आयोजित एक कार्यक्रममा चलचित्रको टिजर सार्वजनिक गरिएको हो।
गोरखाको मनास्लु क्षेत्र आसपासमा खिचिएको चलचित्रको टिजरमा त्यहाँको सुन्दर दृष्यहरु देख्न सकिन्छ। खिलबहादुर गुरुङको निर्देशनमा रहेको हिमाली भेगको प्रेम कथा बोल्ने चलचित्रमा सौगात र दीयाको प्रेम र उनीहरुको जीवनमा आइपरेको उत्तार चडावलाई मुख्य विषयबस्तु बनाइएको छ।
यस चलचित्रको मुख्य भूमिकामा बुद्धि तमाङ, निमता घिसिङ, वीरबहादुर लामा रहेका छन्। मनोज राजभण्डारी निर्माता रहेको चलचित्रको कार्यकारी निर्मातामा देवेन मानन्धर हुन्। चलचित्रमा रविराज कार्की, सुरेश कार्की, वीरबहादुर लामा र सुभ श्रेष्ठ सह–निर्माताको रुपमा रहेका छन्।
साम्तेन भुटियाको पटकथा रहेको चलचित्रमा शम्भुजित बास्कोटा र सन्तोष सुनारले संगीफत दिएका छन्। संजय लामाले खिचेको चलचित्रलाई मित्र डि गुरुङले सम्पादन गरेका छन्। निर्माण पक्षले चलचित्रलाई नयाँ बर्ष २०७७ को अवसरमा रिलिज गर्ने लक्ष्यले काम गरिरहेका छन्।
https://youtu.be/i8I9X2jx6g0
