काठमाडाैँ, २७ माघ– नेपालमा युवा पुस्ता माझ भ्यालेन्टाइन डे अर्थात प्रणय दिवस पछिल्लो समय लोकप्रिय बन्दै गइरहेको छ। यसकै अवसर पारेर चर्चित गायक बद्री पंगेनी र गायिका लक्ष्मी बानियाँले ‘म्वाईं’ गीत सार्वजनिक गरेका छन्।
यस गीतमा शब्द र संगीत एकनारायण भण्डारीको रहेको छ। मोडल तथा निर्देशक शंकर बिसी र नायिका निता ढुङ्गानाले भिडियोमा अभिनय गरेका छन्। गीतमा सिनेमाटोग्राफर मधुर बस्नेत र शम्भु चालिसे रहेका छन् भने नविन घर्तीमगरको सम्पादन रहेको छ।
गीतलाई भ्यालेन्टाइन सप्ताह अन्तर्गतको फेब्रुअरी ८ अर्थात प्रपोज डे का दिन सार्वजनिक गरिएको हो। म्युजिक भिडियोलाई शंकर बिसी निर्देशन गरेका हुन्।
https://youtu.be/pZr1BfUVOUY
