काठमाडाैं– नेपालमा सम्पन्न भएकाे १३ औं दक्षिण एसियाली खेलकुद (साग) अन्तर्गत फुटबलमा स्वर्ण जिताउने टिमका प्रत्येक खेलाडीलाई नगद ५ लाख ५० हजार रुपैयाँ दिइने भएकाे छ।
अखिल नेपाल फुटबल संघ (एन्फा) काे आइतबार बसेको कार्यसमितिको बैठकले यस्ताे निर्णय गरेकाे हाे। त्यस्तै सागकाे महिला फुटबलमा रजत जिताउने खेलाडीलाई नगद १ लाख ५० हजारका दरले सम्मान गरिने एन्फाले जनाएकाे छ।
बैठकले बी डिभिजन लिगको विजेतालाई १५ लाख दिने र सहभागी सबै क्लबलाई १० लाखका दरले प्रदान गर्ने र सी डिभिजनमा सहभागी टिमलाई ७ लाख प्रदान गर्ने निर्णयसमेत गरेकाे छ। यसैगरी महिला लिग फुटबलको विजेतालाई नगद १५ लाख प्रदान गर्ने निर्णय भएकाे बताइएकाे छ।
