काठमाडौँ २७ माघ– झरना थापा निर्देशित चलचित्र ‘ए मेरो हजुर ३’को टिजर सार्वजनिक गरिएको छ। चलचित्रको टिजरमा नायक अनमोल केसी र नायिका सुहाना थापाको केमेष्ट्रीलाई देखाइएको छ। चलचित्र चैत्र २९ गतेबाट रिलिज हुँदैछ।
सुनिलकुमार थापाको निर्माणमा तयार भएको यो चलचित्रमा अनमोल र सुहानाका साथै अर्पण थापाको मुख्य भूमिका रहेको छ। निर्माता थापाले भने–‘हामीले टिजरमा मुख्य दुई कलाकारको केमेष्ट्रीलाई मात्र देखाउन खोजेका छौँ। चलचित्रको बिषयवस्तु ट्रेलरमा खोल्नेछौ।’
यो चलचित्रको छायाङ्कन नेपाल र अमेरिकामा गरिएको हो। चैत्र २९ गते यो चलचित्र आउँछ या आउँदैन भन्ने बहस चलिरहेको समयमा टिजर सार्वजनिकसँगै यसको निर्माण पक्षले निर्धारित मितिमा चलचित्र आउने फाइनल गरेको छ। नयाँ वर्षको अवसरमा रिलिज हुन लागेको चलचित्रले बम्पर कारोबार गर्ने अनुमान चलचित्रकर्मीहरुले गरेका छन्।
https://youtu.be/HrPFDcIS8-o
