काठमाडाैं– सहिद स्मारक ए डिभिजन लिग फुटबलमा संकटा क्लबलाई पराजित गर्दै मछिन्द्र क्लब शीर्षस्थानमा उक्लिएकाे छ। साेमबार भएकाे खेलमा मछिन्द्रले संकटालाई ३–१ ले हराएकाे हाे।
मछिन्द्रलाई जित दिलाउन देवेन्द्र तामाङ, विशाल राई बी र दीपक राईले गाेल गरेका थिए भने संकटाकाे लागि मसोउकीले गोल गरेका थिए।
मछिन्द्रले पहिलाे हाफकाे अन्तिम समयमा गाेल गर्दै शुरूवाती अग्रता बनाएकाे थियाे। उसकाे लागि देवेन्द्र तामाङले गाेल गरेका थिए। त्यस्तै दाेस्राे हाफकाे ६४औं मिनेटमा विशाल राई ‘बी’ ले फ्रिकिकमा गोल गर्दै मछिन्द्रको अग्रता दोब्बर बनाए। खेलकाे ८२ औं मिनेटमा दीपक राईले गोल गर्दै मछिन्द्रलाई ३–० को अग्रता दिलाए।
खेलकाे ९० औं मिनेटमा संकटाका मसोउकीले गोल सान्तवना गाेल गरेका थिए। जितसँगै मछिन्द्रले १२ खेलबाट २८ अंक जाेडेकाे छ। त्यस्तै दोस्रो स्थानमा रहेको आर्मीले १ खेल कम खेल्दै २६ अंक जोडेको छ।
