ललितपुर– ललितपुरको कुपण्डोलस्थित होटल हिमालय नजिकै पार्किङ गरेर राखेको स्कुटरमा अज्ञात समूहले आगो लगाएको छ।
तीन जनाको सो समूहले स्कुटरमा मट्टितेल खन्याएर आगो लगाइदिएको प्रत्यक्षदर्शीले बताएका छन्। स्कुटरमा लागेको आगोले सिटमा क्षति पुगेको छ।
रिसिबीका कारण सो समूहले आगो लगाएको हुन सक्ने प्रहरीको अनुमान छ। आगो लगाउने व्यक्तिहरुको खोजी भइरहेको प्रहरीले जनाएको छ।
