काठमाडौं– हामीले पकाउने भात आधा पाकिसकेपछि तयार हुने बाक्लो तरल पदार्थलाई भातको माड भनिन्छ। भातको माडले स्वास्थ्यमा गर्ने फाइदाको बारेमा भने तपाइलाई सायद थाहै छ होला, तर यो पानी स्वास्थको लागी जति फाइदाजनक छ त्यति नै छालाको लागि पनि प्रभावकारी छ।
चामलले तपाईको सुन्दरतालाई अझ बढाउन मदत गर्छ भने, छालाको हेरचाहको लागि घरेलु उपाय प्रयोग गर्नेहरुलाई पाकेको चामलको पानीले झन धेरै फाइदा गर्छ। यसलाई हप्ताको एकपटक प्रयोग गर्नाले सौन्दर्यसँग सबन्धि केही समस्याहरुको हल सजिलै हुन्छ।
छालाको लागि चामलको पानीः
चामलको पानीमा पर्याप्त मात्रामा पाइने भिटामिन र एन्टीअक्सिडेन्टका कारण यसले छालालाई नरम बनाउछ। यसको प्रयोगले छालाको रङ्गलाई चम्किलो बनाउछ। अनुहारको दाग–पोतो र चाउरीपनलाई हटाउछ। यसबाहेक छाला कसिलो बनाउछ भने, यो एक राम्रो क्लिजर पनि हो।
यसलाई प्रयोग गर्ने तरीका
सर्बप्रथम एक कप चामललाई राम्रोसँग पखालेर पानीमा भिजाउनु होस् र आधा घण्टापछी चामलमा पाइने पोषण तत्व पानीमा घुल्छ। त्यसपछि यसलाई पकाउनु होस्। अनि चामल पाकेपछि यसको माड निकालेर चिसो हुन दिनुहोस्। अब यो माडले आफ्नो अनुहारमा हाल्कासँग मसाज गर्नुहोस् र मसाज गरेको १० मिनेटपछी आफ्नो अनुहार धोएर सुक्खा कपडाले पुछ्नुहोस्। यसो गर्नाले तपाईको अनुहारमा तुरुन्त फरक देखिन्छ।
कपालको लागि लाभदायक
छाला संगसंगै कपालको लागि पनि चामलको पानी धेरै फाइदाजनक छ। यदि तपाईमा पातलो र टुक्रिने जस्ता कपालका समस्या छन् भने चामलको पानीले कपाल धुनुहोस्। चामलको पानी कपालमा लगाउनाले कपालमा चमक दिन्छ। चामलको पानीलाई कपालमा लगाएर २० मिनेटको लागि छोडदिनु्होस्, त्यसपछि स्याम्पु र कन्डिसनरले कपाल धुनुहोस्। तपाई महँगो उपचार बिना नै आफ्नो कपाल सुन्दर बनाउन सकिनेछ।
