काठमाडौं– गोलभेँडाले हाम्रो शरीरलाई निकै फाईदा पुर्याउछ भन्ने, चिकित्सकहरुको भनाई छ। गोलभेँडामा प्रशस्त मात्रामा एन्टिअक्सिडेन्ट र हाम्रो शरीरलाई आवश्यक पर्ने तत्वहरु पाइन्छ। यसले थुप्रै रोगहरुबाट टाढा राख्न मद्दत गर्दछ। त्यसैले यसलाई दैनिक जीवनमा प्रयोग गर्न चिकित्सकहरु सल्लाह दिन्छन्।
गोलभेँडाका फाइदाहरुः
मुटुरोग– गोलभेँडामा हुने लाइकोपेन नामक तत्वले मुटुसम्बन्धी रोगबाट टाडा राख्न मद्दत गर्नुका साथै कोलेस्ट्रोललाई नियन्त्रण र रगत नलीमा जम्ने बोसोलाई घटाउने काम पनि गर्दछ।
क्यान्सर– गोलभेँडामा भएको एन्टिअक्सिडेन्ट लाइकोपेन तत्वले क्यान्सरको सम्भावनालाई कम गराउनुका साथै यो फोक्सोको लागि पनि फाईदाजनक रहेको पाइन्छ।
आँखा– गोलभेँडामा भिटामिन ‘ए’ पनि पाईने हुनाले यसले हाम्रो आखालाई स्वस्थ राख्न मद्दत गर्नुको साथै रतन्धो र अन्य आँखासम्बन्धी रोगहरु बाट बचाउने पनि गर्दछ।
पाचन प्रणालीमा सुधार– दैनिक खानामा गोलभेँडा खादा यसले हाम्रो पाचन प्रणालीलाई मात्र नभईकन कब्जियत र झाडापखाला लागेका बिरामीलाई समेत राहत दिन्छ। त्यति मात्र नभई जन्डिसबाट पनि यसले टाढा राख्न सहयोग गर्छ।
स्वस्थ रगत– अध्ययन अनुसार एउटा गोलभेँडाले हाम्रो दैनिक भिटामिन ‘सी’ को आवश्यक्तालाई पुरा गर्छ। साथै रगतलाई सफा र रक्तचाप नियन्त्रण गर्ने गर्दछ।
