रुपन्देही– राष्ट्रिय सभा सदस्य दुर्गाप्रसाद उपाध्यायको ५० वर्षको उमेरमा निधन भएको छ। क्यान्सर राेगका कारण उनकाे शुक्रबार बिहान ७ बजे निधन भएकाे हाे।
रुपन्देहीकाे लुम्बिनी साँस्कृतिक नगरपालिका वडा नंं. १० का घर भएका उपाध्याय २०७४ मा नेपाली कांग्रेसका तर्फबाट राष्ट्रिय सभामा निर्वाचित भएका थिए। उपाध्यायको चितवनस्थित भरतपुर क्यान्सर अस्पतालमा उपचारपछि घर फर्काइएको थियो।
२०२६ सालमा जन्मिएका उपाध्याय २०४६ सालको जनआन्दोलनकका बेलादेखि नेपाली कांग्रेसमा आवद्ध भएर राजनीति शुरु गरेका थिए। २०५४ सालमा साविकको मधुवनी गाविसको उपाध्यक्षमा निर्वाचित उनी २ पटक कांग्रेस रुपन्देही क्षेत्र नंं ५ को क्षेत्रीय सभापति र त्यसयता महाधिवेशन प्रतिनिधि थिए।
