काठमाडौँ, २८ माघ –चलचित्र ‘फिङ्गर प्रिन्ट’को अफिसियल ट्रेलर सार्वजनिक भएको छ। नविन निरौला निर्देशित चलचित्रमा उनकैै लेखन र सम्पादन रहेको छ। चलचित्र फागुन १० गतेबाट प्रदर्शनमा आउँदैछ।
मेडिकल साइन्सको बिषयमा निर्माण गरिएको चलचित्रमा दयाराम पाण्डेको गीत, अर्जुन पोखरेलको संगीत र कविराज गहतराजको कोरियोग्राफी छ। सुमन तण्डुकार र राहुल राईले चलचित्रलाई खिचेका छन्। फिङ्गर प्रिन्टको दुरुपयोगले विश्वमा हुनसक्ने अपराधलगायतका बिषय चलचित्रमा प्रस्तुत गरिएको छ। चलचित्रको ‘चाहिँदैन भो’ गीत यसअघि नै सार्वजनिक भइसकेको छ।
कामना फिल्मसको ब्यानरमा अनिल श्रेष्ठ (रोमन) ले यसको निर्माण गरेका हुन्। चलचित्रमा दीपक त्रिपाठी, सरिता लामिछाने, राज क्षितिज, रमेश बुढाथोकी,आयुष्मा कार्की, आनन्द पुन, शंकर आचार्य, अनुरुप पोखरेल, सुवास कार्की, जेसिका भुसाललगायतका कलाकारको अभिनय छ। शंकर आचार्य र अनिल श्रेष्ठ यस चलचित्रका सहनिर्माता रहेका छन्।
https://youtu.be/rET0u8W2JNs
