काठमाडौँ, २८ माघ – नेपाली गीत संगीत क्षेत्रका निकै चर्चित गायक शिव परियारको आवाजमा नयाँ गीत सार्वजनिक भएको छ। ‘तिमी नै मेरो सास हौ’ बोलको गीत भिडियोसहित सार्वजनिक गरिएको हो।
आफ्नो दर्शक तथा स्रोतालाई प्रेम दिवसको उपहार लिएर आएको गायक परियारले बताए।
गीतमा एकनारायण भण्डारीको शब्द रहेको छ भने आशिष अविरलको संगीत तथा एरेन्ज रहेको छ। गायकले आफ्नै युट्युब च्यानलबाट सार्वजनिक गरिएको ‘आशुको अर्थ’ बोलको गीतले केही समयअघि मात्रै १ करोड बढी भ्युज पाएको थियो।
परियारको शिवालय एल्बममा समावेश उक्त गीतमा अहिलेका चर्चित तथा लोकप्रिय नायक नायिकाको अभिनय देख्न सकिन्छ। भिडियोमा आँसुको अर्थ बाट निकै चर्चामा आएका जोडी स्वस्तिमा खड्का र आकाश श्रेष्ठले अभिनय गरेका छन्।
सुहाना क्रियसनको प्रस्तुति रहेको भिडियोलाई बुद्ध थापाले छायाङ्कन गरेका हुन्। निकेश खड्काको निर्देशन रहेको यस भिडियोमा सुबोल थापाको कोरियोग्रफी, विकाश धमलाको सम्पादन रहेको छ।
https://youtu.be/-T5gx5yHn5E
