ललितपुर– ललितपुरका स्थानीयले मेयर चिरीबाबु महर्जनको पुत्ला जलाएका छन्। मेयरले सर्वोच्च अदालतको आदेशको अवज्ञा गर्दै विद्यालयको जग्गा मिचेर सडक विस्तार गरेको भन्दै स्थानीयले मेयर महर्जनको पुत्ला दहन गरेका हुन्।
ललितपुर महानगरपालिका–३, पुल्चोकमा रहेको मदन स्मारक माध्यमिक विद्यालयको जग्गा मिचेर सडक विस्तार गरिएको स्थानियको आरोप छ। सर्वोच्च अदालतमा रहेको उक्त मुद्धामा फैसला नहुँदै मेयरले कानुनको अवहलना गरेको उनीहरु बताउँछन्।
बाटो विस्तार दायाँ–बायाँ बराबर गर्नुपर्ने भए पनि विद्यालयको जग्गा मिचेर एकतर्फीमात्र विस्तार गरिएपछि स्थानीयबासी आक्रोशित छन्।
