काठमाडौं – पार्टी एकतायता पार्टीको औपचारिक कार्यक्रममा राख्न छोडिएको कार्ल मार्क्स, लेनिनका तस्वीर फेरि राख्न थालिएको छ।
बिहीबार राजधानीमा आयोजित वागमती प्रदेशस्तरीय कार्यकर्ता प्रशिक्षण कार्यक्रममा नेकपाले अन्तर्राष्ट्रिय कम्युनिस्ट नेताहरुको तस्वीर राखेको हो।यसअघि औपचारिक कार्यक्रममा पार्टीका अध्यक्षद्वय पुष्पकमल दाहाल ‘प्रचण्ड’ र केपी शर्मा ओलीको तस्वीर राखिदैँ आएको थियो।
गत माघमा बसेको केन्द्रीय समिति बैठकमा पुष्पलाल श्रेष्ठ, मदन भण्डारीका अतिरिक्त अध्यक्षद्वयको तस्वीर ब्यानरमा राखिएकोप्रति सदस्यहरुले प्रश्न उठाएका थिए। त्यसपछि सो प्रश्नको जवाफ दिँदै अध्यक्ष प्रचण्डले अबदेखि यस्ता कार्यक्रममा अध्यक्षद्वयको तस्वीर नराखिने बताएका थिए।
