एजेन्सी – बलिउडमा निकै रुचाइएको फिल्म ‘बधाई हो’ को सिक्वेल बन्ने भएको छ। सिक्वेल फिल्मको नाम ‘बधाई दो’ राखिएको छ। यस फिल्मको लागि अभिनेता राजकुमार राव र अभिनेत्री भूमि पेडनेकर पक्का भएका छन्। सन् २०१८ मा आएको फिल्म ‘बधाई हो’ मा आयुष्मान खुराना, नीना गुप्ता, सान्या मल्होत्राको मुख्य भूमिकामा रहेका थिए । यो फिल्मले राष्ट्रिय अवार्ड समेत हात पारेको थियो।
फिल्मलाई कमेडी जनरामा बनाउने तयारी गरिरहेको निर्माणपक्षले जनाएको छ। राजकुमार राव पुलिसको भूमिकामा र भूमि पेडनेकर स्कूलको पीटी शिक्षिकाको रूपमा देखिनेछन्। फिल्म उनीहरूको असम्भव प्रेम कहानीमा आधारित हुनेछ। राजकुमार र भूमिले यसै फिल्ममार्फत पहिलो पटक पर्दा शेयर गर्न लागेका हुन्। यो फिल्मको निर्देशक हर्षवद्र्धन कुलकर्णी हुन्।
