सुनसरी – सुनसरीमा टिपरको ठक्करबाट पाँच वर्षीय बालकको मृत्यु भएको छ। सुनसरीको बराहक्षेत्र–५ बस्ने मन्जु राजधामीको ५ वर्षीय छोरा सुजन राजधामीको टिफरको ठक्करबाट मृत्यु भएको हो।
बिहीबार बेलुका ६ः१५ बजे राजधामी चौकस्थित सडक खण्डमा नहडाबाट कालाबन्जरतर्फ जाँदै गरेको को१ख ५७६५ नम्बरको टिपरले बाटो क्रस गर्दै गरेका बालक सुजनलाई ठक्कर दिएको थियो।
टिपरको ठक्करबाट गम्भीर घाइते भएका उनलाई थप उपचारार्थ काठमाण्डौ लाँदै गर्दा आज बिहान उनको मृत्यु भएको उक्त कार्यालयले जनाएको छ। ठक्कर दिने टिपर र टिफर चालक प्रदीप चौधरी नियन्त्रणमा रहेको सोही कार्यालयले जनाएको छ।
