मोरङ – मोरङको सुनबर्षी नगरपालिका–८ हर्चनगढीबाट कटुवा पेस्तोल र त्यसमा लाग्ने गोलीसहित ३ जना पक्राउ परेका छन्। भारत घर भएका २१ वर्षीय अजय कुमार मण्डल, अन्नद कुमार मण्डल र राकेश कुमार साह कटुवा पेस्तोल १ थान र त्यसमा लाग्ने गोली १ राउण्डसहित पक्राउ परेका हुन्।
जिल्ला प्रहरी कार्यालय मोरङको अनुसार सुनबर्षी नगरपालिका–८ हर्चनगढीस्थित पसलमा मदिरा पिएर होहल्ला गरिरहेको अवस्थामा पक्राउ परेका उनीहरुमाथि तलासी गर्ने क्रममा पेस्तोल र गोली फेला परेको हो। उनीहरुको साथबाट ‘अन टेस्ट’ लेखिएको मोटरसाइकल समेत बरामद भएको प्रहरीले जनाएको छ।
