काठमाडौं– नेपाली चलचित्र ‘लप्पन छप्पन २’ को ‘झुसे बारुलो’ बोलको गीत सार्वजनिक भएको छ। गीत ओएसआर मुभिज् युट्युब च्यानलमार्फत शुक्रबार सार्वजनिक गरिएकाे हाे।
मिस्टर आरजेको शब्द र संगीत रहेको गीतमा आर्जन पाण्डे, बिध्या तिवारी र मिस्टर आरजेको आवाज रहेको छ। नरेश नाथ योगीको कोरियोग्राफी रहेको भिडियोमा फिल्मका मुख्य सम्पूर्ण कलाकार फिचर्ड रहेका छन्।
मुकुन्द भट्टको निर्देशनमा बनेको यो फिल्ममा शिव श्रेष्ठ, सौगात मल्ल, अर्पण थापा, अनुप विक्रम शाही, गोविन्द शाही, प्रकाश कुँवर, विशाल पहारी, आना ढकाललगायतका कलाकारको अभिनय रहेको छ। साथमा यो चलचित्रबाट शक्ति श्रेष्ठ, आना ढकाल, श्रृजना सिना लगायतले चलचित्र क्षेत्रमा डेब्यू गर्दैछन्।
चलचित्रमा मुकुन्द भट्ट, सुनिल न्यूरे, अमित शर्माको पटकथा, हिमाल केसी र मुकुन्द भट्टको एक्सन, किङ योगीको कोरियोग्राफी छ।
यो चलचित्रमा चीजकुमार श्रेष्ठ, प्रकाश कुँवर, निर्मल कुमार मिश्र, सुदिपचन्द्र भाक्रेल, सन्तोष चन्द्र भाक्रेलको लगानी छ। चलचित्र ‘लप्पन छप्पन २’ बैशाख १२ गतेबाट देशभर प्रदर्शनमा आउनेछ।
