काठमाडौं – बजाज पल्सर १२५ नेपाली बजारमा सार्वजनिक भएको छ। बजाज मोटरसाइकलका लागि नेपालको आधिकारिक वितरक एचएच बजाजले केही महिना अघि भारतमा लन्च गरेको बजाज पल्सर १२५ नेपाली बजारमा लन्च गरी बिक्री समेत सुरु गरेको छ।
कम्पनीले नेपालमा नै एसेम्वल गरेको बजाज पल्सर १२५ नेपालको तराई क्षेत्रमा बिक्री सुरु गरेको हो। काठमाडौंमा भने केही समय पछि बिक्री सुरु गरिने जनाइएको छ। यो मोटरसाइकल खरिद गर्न चाहाने ग्राहकले बजाजको आधिकारिक शोरुममा बुकिङ गर्न सक्ने कम्पनीले जनाएको छ।
यो मोटरसाइकलमा १२५ सीसीको एयर कुल्ड सिंगल सिलिन्डर इन्जिन रहेको छ। जसले १३ बीएच पावरका साथै १२ एनएम टर्क उत्पादन गर्छ। यसले होन्डा सीबी साइन, यामाहा सलुटो तथा टीभीएस स्टाइकरसँग प्रतिस्पर्धा गर्ने छ। यसमा यसमा ५ स्पीडको म्यानुअल गियरबक्स दिइएको छ।
नियोन ब्ल्यू, सोलार रेड र प्लाटिनम सिल्भर कलर अप्शनमा उपलब्ध रहेको यो मोटरसाइकल कम्पनीले २ लाख २४ हजार ९ सय रुपैयाँ मूल्य तोक्दै बिक्री सुरु गरेको छ।
