रौतहट– सोमबार रौतहटमा पेस्तोलसहित एक जना पक्राउ परेका छन्। यमुनामाई गाउँपालिका–३ राजपुर तुलसीका ४९ वर्षीय शेष बैतुल्ला पेस्तोलसहित पक्राउ परेका हुन्।
रौतहटका सशस्त्र प्रहरी उपरीक्षक रवीनराज कर्णजीतको अनुसार बैतुल्लाको साथबाट चाइनिज पेस्तोल १ थान, कटुवा पेस्तोल १ थान, चाइनिज पेस्तोलमा प्रयोग हुने १ थान म्याग्जिन र ७.६५ एमएमको वाल राउण्ड २ थान बरामद भएको छ।
बरामद गरिएका हतियारसहित बैतुल्लालाई आवश्यक कारबाहीका लागि जिल्ला प्रहरी कार्यालय रौतहटमा बुझाइएको उनले जनाए।
