काठमाडौं– पछिल्लो समय युवा पुस्ताले कान छेड्नुलाई फेसनको रुपमा विकास गरेका छन्। पहिला गहना लगाउनका लागि नेपाली महिलाले कान छेड्ने गरेता पनि अहिले केटा केटी, महिला पुरुष सबैले कान छेड्ने गरेको पाईन्छ।
कसैले रहरले कान छेडे त, कसैले करले, जे भएपनि कान छेड्नु स्वास्थ्यका लागि फाइदा र्पुयाउने एक अध्ययनले देखाएका छ। कानको लोतीमा हुने एक प्वाइन्टका कारण मानिसको जीवनमा कानले तरंग पैदा गर्छ। कान छेड्दा प्राय त्यही प्वाइन्ट वरपर छेडिने भएकाले मानिसको मानसिक स्वास्थ्यसहित शारीरिक स्वास्थ्यका लागि पनि फाइदाजनक रहेको अध्ययनले पत्ता लागाएको छ।
कान छेड्नुका फाइदाहरू
१. मानसिक क्षमतामा वृद्धि : वैज्ञानिक दृष्टिका अनुसार कान छेडाउनाले मानिसको दिमागमा ब्लड सर्कुलेशन सही प्रकारले हुन्छ। दिमागमा रगतको सन्चार राम्ररी हुनाले बौद्धिक क्षमतामा पनि वृद्धि हुन्छ।
२. आँखाका लागि हितकर : यसबाट दृष्टिमा सुधार गर्न मद्धत मिल्छ। एक्युपंचरका अनुसार कानको बीचको केन्द्रीय विन्दुको सम्बन्ध सिधैं आँखाको ज्योतिसंग हुन्छ। एक्युपंचरमा यो विन्दुमा दबाब दिइन्छ र आँखाको ज्योति सही रहन्छ।
३. कान स्वस्थ रहन्छ : कानको प्वालवाला भागमा दुई निकै जरुरी एक्युप्रेसर प्वाइन्ट हुन्छ। जसलाई मास्टर सेन्सोरियल र मास्टर सेरेब्रल भनिन्छ। यो प्वाइन्ट सुन्ने क्षमता सही बनाउन महत्वपूर्ण भूमिका निभाउछ। एक्युप्रेसर विज्ञका अनुसार टिनिटसको लक्षणबाट मुक्ति पाउन पनि कान छेडाउनु राम्रो हुन्छ।
४. पाचनतन्त्रलाई दुरुस्त राख्छ : कान छेडाउँदा त्यसबाट उत्पन्न उत्तेजनाबाट पाचनप्रणालीलाई स्वस्थ राख्न मद्दत मिल्छ। विशेष रुपले यो प्वाइन्ट हंगर प्वाइन्टको केन्द्र हो। हंगर प्वाइन्टले मानवको पाचनतन्त्रको कार्यप्रणालीमाथि नियन्त्रण राख्न र मोटोपनाको सम्भावना कम गर्न मद्धत गर्छ।
