काठमाडौं – बजाज पल्सर १२५काे आगामी आईतबारबाट काठमाडौंमा बिक्री सुरु हुने भएको छ। बजाज मोटरसाइकलका लागि नेपालको आधिकारिक वितरक एचएच बजाजले यस मोटरसाइकललाई नेपाली बजारमा भित्र्याएकाे हाे।
कम्पनीले केही समयअघि नै पल्सर १२५ लाई नेपालको तराई क्षेत्रमा बिक्री सुरु गरेको थियाे। हुलास अटो क्राफ्टले नेपालमा नै एसेम्वल गरेको बजाज पल्सर १२५ अब काठमाडौंमा पनि बिक्री वितरण गर्न लागेकाे हाे। यो मोटरसाइकल खरिद गर्न चाहाने ग्राहकले उपत्यकामा अवस्थित बजाजकाे आधिकारिक शोरुममा बुकिङ गर्न सक्ने कम्पनीले जनाएको छ।
यो मोटरसाइकलमा १२५ सीसीको एयर कुल्ड सिंगल सिलिन्डर इन्जिन रहेको छ। जसले १३ बीएच पावरका साथै १२ एनएम टर्क उत्पादन गर्छ। यसले होन्डा सीबी साइन, यामाहा सलुटो तथा टीभीएस स्टाइकरसँग प्रतिस्पर्धा गर्ने छ। यसमा यसमा ५ स्पीडको म्यानुअल गियरबक्स दिइएको छ।
नियोन ब्ल्यू, सोलार रेड र प्लाटिनम सिल्भर कलर अप्शनमा उपलब्ध रहेको यो मोटरसाइकलकाे मूल्य कम्पनीले २ लाख २४ हजार ९ सय ताेकेकाे छ।
