काठमाडाैं– काेराेना भाइरसकाे त्रासका कारण नेपाल सरकारले माध्यमिक शिक्षा परीक्षा (एसईई) स्थगित गर्ने निर्णय गरेकाे छ। चैत ६ गतेदेखिकाे लागि ताेकिएकाे एसईई अनिश्चित समयकाे लागि स्थगित गरिएकाे हाे।
कोभिड १९ रोकथाम तथा नियन्त्रण उच्च स्तरीय समितिका संयोजक उपप्रधानमन्त्री ईश्वर पोखरेलले एसईई परीक्षा स्थगित गर्ने निर्णय भएको जानकारी दिएका हुन्। करिब ५ लाख परीक्षार्थी सहभागी हुने एसईई अब कहिलेबाट सञ्चालन हुन्छ भन्ने टुङ्गाे छैन।
