एजेन्सी– बलिउड चलचित्र ‘वार’ की अभिनेत्री बाणी कपुर नायक अक्षय कुमारको नयाँ चलचित्रमा देखिने पक्का भएको छ। अक्षयको नयाँ फिल्म ‘बेल बटन’ मा नायिका बाणी कपुर अक्षयको जोडीको रुपमा फाइनल भएकी हुन्।
बलिउडमा हिट चलचित्र दिइरहेकी अभिनेत्री बाणी कपुरले बलिउडमा अपेक्षित सफलता भने पाएकी छैनन्। बाणीले यो चलचित्रमा केही हप्ता अगाडि नै काम गर्ने पक्का भएको हो। अहिले उनको लुक्सको टेष्ट भइरहेको भारतीय मिडियामा उल्लेख छ।
यो चलचित्रमा ८० दशकको एक पात्रको कथा देखाइने छ। भारतले विर्सिएको एक हिरोको कथामा चलचित्र बन्ने बताइएको छ। रञ्जित तिवारीले निर्देशन गर्ने याे चलचित्र सन् २०२१ को अप्रिल २ मा रिलिज हुँदैछ।
