काठमाडाैं– बिहीबार नेपाली बजारमा सुनकाे मूल्यमा भारी गिरावट आएकाे छ। बुधबारकाे तुलनामा बिहीबार सुनकाे मूल्य प्रतिताेला १ हजार ५०० रुपैयाँले घटेको छ।
बुधबार तोलामा ७६ हजार ५०० रुपैयाँमा कारोबार भएको छापावाल सुनको मूल्य बिहीबार घटेर तोलामा ७५ हजार रुपैयाँमा कारोबार भएको नेपाल सुनचाँदी व्यवसायी महासंघले जनाएकाे छ। यस्तै तेजावी सुन तोलामा ७४ हजार ७०० रुपैयाँमा कारोबार भएको छ।
बिहीबार चाँदीको मूल्यमा पनि गिरावट आएकाे छ। बुधबार तोलामा ७१० रुपैयाँ प्रतितोलामा कारोबार भएको चाँदी बिहीबार घटेर ६ सय ८० रुपैयाँमा कारोबार भएको महासंघले जानकारी दिएकाे छ।
