एजेन्सी– साउदी अरेबियाले १४ दिनका लागि सार्वजनिक यातायात बन्द गरिने भएको छ। शनिबारबाट कोरोनाभाइरसको संक्रमण नियन्त्रण गर्न भन्दै साउदी अरेबियाले आन्तरिक उडानका साथै बस सेवा, ट्याक्सी, रेललगायत सार्वजनिक यातायातका साधन १४ दिनसम्मका लागि बन्द गर्ने भएको हो।
यसअघि नै साउदी अरेबियाले अन्तर्राष्ट्रिय उडानमा १५ दिनका लागि रोक लगाइसकेको छ। साउदी अरेबियामा २ सय ७४ जना संक्रमित छन् भने हालसम्म मृत्यु भएको तथ्यांक सार्वजनिक भएको छैन।
