एजेन्सी– विश्वभर माहामारीको रुपमा फैलिएको कोरोना (कोभिड–१९) बाट स्पेनिस क्लब रियल मड्रिडका पूर्व अध्यक्ष लोरेन्जो सान्जको मृत्यु भएको छ।
कोरोना भाइरसको लक्षण देखिएपछि अस्पताल भर्ना गरिएको सान्जको शनिबार ७६ वर्षको उमेरमा निधन भएको हो। उनका छोरा लोरेन्जोले सामाजिक सन्जाल ट्वीटरमार्फत् आफ्नो बाबुको मृत्यु भएको जानकारी दिएका हुन्।
सान्जको कार्यकालमा रियलले दुई पटक युइएफए च्याम्पियन्स लिग र ला लिगा र युरोपियन कप विनर्स कप समान एक–एक पटक जितेको थियो। सान्जका छोरा फर्नान्डोले पनि रियलका लागि १९९६ देखि १९९९ सम्म खेलेका थिए।
