काठमाडौं– अमेरिकाले नेपालमा रहेका आफ्ना नागरिकहरुलाई स्वदेश फिर्ता गर्ने भएको छ। काठमाडौंस्थित अमेरिकी राजदूतावासको अनुसार आफ्ना नागरिक फिर्ता गर्न अमेरिकाले नेपाल सरकारसँग औपचारिक प्रक्रिया शुरु गरेको छ। अमेरिकी राजदूतावासले विज्ञप्ति जारी गर्दै सो जानकारी दिएको हो।
नेपालमा पनि कोरोना भाइरसको संक्रमित भेटिएपछि अमेरिकाले नेपालमा रहेका आफ्ना नागरिक स्वदेश फर्काउने प्रक्रिया शुरु गरेको हो। विज्ञप्तिमा नेपाल सरकारले आफ्ना नागरिक स्वदेश फर्काउने अनुमति दिए उनीहरुको उडान विकल्पबारे ध्यान दिइने विज्ञप्तिमा जनाइएको छ।
अमेरिकि नागरिकलाई स्वदेश फर्काउने कार्यतालिका र अन्य विवरण उपलब्ध नभएको र उपलब्ध हुनेबित्तिकै सार्व्जिनिक गरिने राजदूतावासले जनाएको छ। त्यस्तै नेपालबाट स्वदेश फर्कन चाहने अमेरिकी नागरिकहरुलाई धैर्य गर्न दूतावासले आह्वान समेत गरेको छ।
