‘लकडाउन’ मा अन्य रोगका बिरामीलाई अस्पताल तथा स्वास्थ्य संस्थामा औषधि खरिद गर्न जान समस्या हुने भन्दै लियो क्लब अफ महाकाली क्लासिकले घरघरमा निःशुल्क औषधि पुर्याउने भएको छ।
मानसिक रोगी, मधुमेह, उच्च रक्तचापलगायत नियमित औषधि सेवन गर्नेले औषधि माग गरेबमोजिम घरमै पुर्याउँदै आएको क्लबका प्रथम उपाध्यक्ष सुनील थापाले बताए।
“अशक्त र औषधि किन्न बजारसम्म पुग्न नसक्नेलाइ यो व्यवस्था मिलाएका हौँ,” थापाले भने, “हामीले सामाजिक सञ्जलमा सम्पर्क नम्बर सार्वजनिक गरेका छौँ।” क्लबले भीमदत्तनगरको महाकाली अस्पताललाई पाँच थान पीपीई र स्यानिटाइजर उपलब्ध गराएको छ। बिरामीको उपचारमा खटिने चिकित्सक तथा स्वास्थ्यकर्मीको सुरक्षामा सहयोग पुगोस् भनेर क्लबले उक्त स्वास्थ्य सामग्री उपलब्ध गराएको जनाइएको छ। रासस
