बेलायतले नेपालमा रहेका आफ्ना नागरिक फिर्ता लग्ने भएको छ। बुधबार पहिलो चार्टर्ड उडानमार्फत आफ्ना नागरिक फिर्ता लैजाने भएको छ भने दोस्रो उडान शुक्रबार गर्ने तयारी गरेको छ।
बेलायतले आफ्नै मुलुकको टीटान एयरवेजको जहाज चार्टर्ड गरेर नागरिकलाई स्वदेश फर्काउने गरेको छ। लकडाउन जारी भएपछि करिब तीन हजार विदेशी नागरिक नेपालबाट स्वदेश फर्किएका छन्। तर, अझै पनि सयौं पर्यटक नेपालमै छन्।
