र्यापीड टेष्टमा मंगलबार थप ३ जना युवामा कोरोना भाइरस पोजेटिभ देखिएको छ। कोरोना भाइरस पोजेटिभ देखिएका दुई जना काभ्रेका हुन् भने एक जना धादिङका हुन्। उनीहरु तीनै जना विदेशबाट नेपाल फर्किएका हुन्।
काभ्रेको बेथान्चौक गाउँपालिका वडा नम्वर ५ का २८ बर्षीय युवा चैत्र ९ गते भारतबाट नेपाल आएका थिए भने मण्डन देउपुर नगरपालिका वडा नम्वर ३ नयाँ गाउँका २३ बर्षीय युवा चैत्र ९ गते दुबईबाट नेपाल आएका थिए। उनीहरु दुवैलाई थप परिक्षणका लागि धुलिखेल अस्पतालमा भर्ना गरिएको छ।
त्यस्तै धादिङको ज्वालामुखी गाउँपालिकामा भएको र्यापीड टेष्टमा पनि एक जनामा कोरोना पोजेटिभ देखिएको छ। कोरोना पोजेटिभ देखिएका २७ वर्षीय युवा दक्षिण कोरियाबाट फागुन २० गते स्वदेश फर्किएका थिए।
