अमेरिकामा कोरोना भाइरस संक्रमणको रोकथामको लागि गरिएको लकडाउनको विरोध गर्दै युवाहरु प्रदर्शनमा उर्तिएका छन्। सिएनएनको अनुसार मिशिगन, मिन्नेसोटा, केंटुकी, उटाह, नर्थ क्यारोलीना, ओहियो राज्यमा प्रदर्शन भइरहेको छ। लकडाउनको कारण अर्थतन्त्रमा असर पर्ने भन्दै कुनै राज्यमा रिपब्लिक गर्भनर र कुनै राज्यमा डेमोक्र्याटिक पार्टीले प्रदर्शन गरेका हुन्।
हाल कोरोना भाइरसको कारण अमेरिकामा थुर्पै मानिसहरु बेरोजगार भएका छन्। ट्रम्प सरकारले १२ सय डलर को आर्थिक सहयोग गर्ने घोषणा गरेको छ। अमेरिकि राष्ट्रपती डोनाल्ड ट्रम्प पनि लकडाउन गर्ने कुराको विरोधमा छन्। उनले शुक्रबार ट्विटर मार्फत प्रदर्शनकारीको सर्मथन दिएका छन्।
हालसम्म अमेरिकामा ७ लाख १० हजार २ सय ७२ जना संक्रमित भएका छन् भने ३७ हजार १ सय ७५ जनाले ज्यान गुमाइसकेका छन्।
