पछिल्लो केहि बर्ष देखि विश्वभर इलेक्ट्रिक मोटरसाइकलको क्रेज बढ्दै आइहेको छ। विश्वभरका बिभिन्न मोटरसाइकल निर्माता कम्पनीहरु लगातार इलेक्ट्रिक मोटरसाइकल लन्च गरिरहेका छन् भने विश्व बजारमा यसको डिमाण्ड पनि उतिकै बढ्दै गइरहेको छ।
यसै क्रममा बेलायती मोटरसाइकल कम्पनी रोयल इन्फिल्डले पनि आफ्नो चर्चित क्लासिक बुलेट बाईकलाई इलेक्ट्रिक भर्सनमा रुपान्तर गरि विश्व बजारमा सार्वजनिक गरेको छ। युवा वर्गको पहिलो रोजाई बनेको बुलेट निर्माता कम्पनी रोयल इन्फिल्डले इलेक्ट्रिक मोटरसाइकल तर्फ पाइला चाले सँगै यसले अझ बढी लोकप्रिता पाएको छ।
कम्पनीको नयाँ इलेक्ट्रिक बुलेटको नाम फोटोन राखिएको छ। यसमा न्यूटन बेस्ड इलेक्ट्रिक क्लासिक कारको ब्याट्री प्रयोग गरिएकाृे छ। यसमा १४ किलावाट (14kw) क्षमताको इलेक्ट्रिक मोटर राखिएको छ। जसले १५.६ बिएचपि (15.6 bhp) पावर र ३०० एनएम (300Nm) बराबरको टर्क जेनेरेट गर्ने कम्पनीले जनाएको छ।
Pic Source: Financial Express/ Peter Henshaw
यसका साथै यो बाइक सिंगल चार्जमा पनि १२८ किलोमिटरसम्म कुदाउन सक्ने कम्पनीको दाबी छ। यो बाइक ७ किलोवाटको चार्जरको मद्धतले केवल ९० मिनेटमा फुल चार्ज गर्न सक्ने कम्पनीले बताएको छ। केवल ६ सेकेण्डमै ४८ किलोमिटर प्रतिघण्टादेखि ८० किमीको स्पीड भेटाउन सक्ने यो बाइकको टप स्पीड ११२ किमी प्रति घण्टा रहेको छ।
कम्पनीले यसको सुरक्षा र ब्रेकिङ सिस्टमलाई उत्कृष्टता बढाउन यसको दुबै चक्कामा हाइड्रोलिक डिस्क ब्रेक दिइएको छ। यसको फ्रन्टमा २८० एमएम (280mm) र रियरमा २४० एमएम (240mm) को डिस्क ब्रेक प्रयोग भएको छ। कम्पनीको अनुसार यसमा १३ किलोवाटको वाटर कूल्ड इलेक्ट्रिक मोटर राखिएको छ जसले रियर ह्वीललाई उच्च पावर दिने गर्दछ।
Pic Source: Financial Express/ Peter Henshaw
यो बाहेक यो बाइकको डिजाइन र फ्रेममा खासै परिमार्जन भने गरेको देखिदैन्। हेर्दा यो परम्परागत बुलेट बाइक जस्तै देखिने भएता पनि यसकोे आन्तरिक डिजाइन निकै फरक रहेको छ। यसमा अन्य बुलेटमा जस्तो आवाज भने पाउन सकिदैन। यो इलेक्ट्रिक भएकोले यसको आवाज शून्य जस्तो नै हुन्छ र यसमा भाइब्रेट पनि हुदैन।
कम्पनीकाे याे नयाँ इलेक्ट्रिक बुलेटकाे मूल्य भने निकै उच्च रहेकाे छ। कम्पनीले यो बाइकको मूल्य २० हजार पाउन्ड तोकेको छ। जसको नेपाली मूल्य करिब ३० लाख रुपैयाँ पर्न आउँछ।
