नेपाल प्रहरी मुख्यालयले नवनियूक्त डिआईजीहरुको पदस्थापन गरेको छ। महानगरिय प्रहरी अपराध महाशाखामा कार्यरत सहकुल बहादुर थापालाई डिआईजीपीमा बढुवा गरिएलगत्तै केन्द्रीय अनुसन्धान ब्युरो (सीआईबी)को जिम्मेवारी दिइएको छ।
यसैगरी अख्तियार दुरुपयोग अनुसन्धान आयोगको प्रहरी महाशाखामा अरुणकुमार बिसीलाई पदस्थापन गरिएको छ। एक नम्बर प्रदेशमा ईश्वरबाबु कार्की, २ नम्बर प्रदेशमा धिरजप्रताप सिंह, बाग्मती प्रदेशमा वसन्तकुमार लामालाई सरुवा गरिएको छ।
त्यस्तै गण्डकी प्रदेशमा घनश्याम अर्याल, ५ नम्बर प्रदेशमा रविन्द्रबहादुर धानुक, कर्णाली प्रदेशमा वसन्तकुमार पन्त र सुदूरपश्चिम प्रदेशमा उत्तमराज सुवेदीको पदस्थापन गरिएको छ। प्रहरी प्रशिक्षण प्रतिष्ठानमा प्रकाशजंग कार्कीलाई पदस्थापन गरिएको छ।
