पश्चिमी क्षेत्रमा पर्ने सायल गाउँपालिका वडा नं ३ तोलेनीमा मंगलबार साँझ चट्याङ लागेर एक महिलाको मृत्यु भएको छ।
जिल्ला प्रहरी कार्यालयका प्रहरी निरीक्षक कर्णबहादुर बोहराका अनुसार मृत्यु हुनेमा २२ वर्षीया उजली बयाडी छिन्।
आफ्नै खेतमा गहुँ काटिरहेका अवस्थामा परेको चट्याङ लागेर गम्भीर घाइते उनको अस्पताल लैजाने क्रममा बाटैमा मृत्यु भएको स्थानीयवासी गोरखबहादुर सार्कीले जानकारी दिए। डोटीमा गए रातिदेखि पानीसँगै हुरीबतास चलिरहेको छ। (रासस)
