आज (शनिबार) कोरोना भाइरस(कोभिड १९) रोकथाम तथा नियन्त्रण लागि जारी लकडाउनको बिषयमा छलफलको लागि कोरोना उच्चस्तीय समन्वय समितिको बैठक सिंहदरबारमा सुरु भएको छ।
एक महिना देखि जारी लकडाउनलाई खुकुलो बनाउने कि निरन्तरता दिने भन्ने विषयमा छलफल गर्न ११ बजेदेखि प्रधानमन्त्री तथा मन्त्रीपरिषद्को कार्यालयमा सुरू भएको हो।
मन्त्रिपरिषद्को शुक्रबारको बैठकले समितिलाई लकडाउनबारे निर्णय गर्न जिम्मा दिएपछि वैशाख १५ गते सोमबार रातिदेखि सकिने लकडाउनको बारेमा निष्कर्ष निकाल्नको लागि बैठक शुरु गरिएको हो।
सरकारले गत चैत्र ११ गतेदेखि लकडाउनको घोषणा गरेको थियो। त्यस्तै अबधी लम्ब्याएर बैशाख १५ सम्म पुर्याएको छ। हाल सम्म नेपालमा कोरोना संक्रमितको संख्या ४९ पुगेको छ भने ११ जना निको भएर घर फर्किसकेका छन्।
