भारत सरकारले लकडाउन अवधि दुई हप्ताको लागि बढाएको छ। मे ३ सम्मको लागि तय गरिएको लकडाउन अवधी बढाउने निर्णय भएको हो। भारतीय गृह मन्त्रालयले लकडाउनको अवधिमा जारी रहने गतिविधीहरुको बारेमा पनि निर्देशीका जारी गरेको छ।
गत सोमबार भारतीय प्रधानमन्त्री नरेंद्र मोदीले मुख्यमन्त्रीहरुसँग गरेको भिडियो कन्फ्रेन्समा अधिकांश मुख्यमन्त्रीहरुले लकडाउन बढाउन माग गरेका थिए। त्यसक्रममा मोदीले राज्यहरुको ‘रेड जोन’मा कडाई गर्नुको कारणबारे प्रष्ट पारेका थिए।
भारतीय स्वास्थ्य मंत्रालयका अनुसार त्यहा १ सय ३० जिल्लालाई रेड जोन, २८४ जिल्लालाई अरेन्ज जोन र ३ सय १९ जिल्लालाई ग्रीन जोन घोषणा गरिएको छ। मन्त्रालयले यि जिल्लाहरुको साप्ताहिक रुपमा आंकलन गरेर संक्रमितहरुको संख्याको आधारमा जोन परिवर्तन गर्दै आएको छ।
