काठमाडाैं - लकडाउनको निरन्तरता र मोडालिटिबारे छलफल गर्न उच्चस्तरीय समितिको बैठक आज बस्दै छ। अपराह्न ४ बजे प्रधानमन्त्री तथा मन्त्रिपरिषद्को कार्यालय सिंहदरबारमा बैठक बस्न लागेको हो। बैठकमा प्रधानमन्त्री केपी शर्मा ओली पनि उपस्थित हुने जनाएको छ।
बैठकमा कोरोना संक्रमणको वर्तमान अवस्था, संभावित जोखिम र लकडाउनले पारेको असरबारे छलफल हुने छ।सरकारले गत चैत ११ गतेदेखि लकडाउन लागू गरेको थियो। पछिल्लो पटक थपिएको लकडाउनको म्याद वैशाख २५ गते सकिँदै छ।
सोमबार बसेको बैठकले १० दिन लकडाउन लम्ब्याउने मोटामोटी तयारी गरेको जनाएको छ। आज प्रधानमन्त्री ओलीसहित बस्ने बैठकमा केही थपघट हुनसक्ने समितिले जनाएको छ।
