काठमाडौँ, २ फागुन– सुमधुर आवाजकी धनी गायिका अन्जु पन्तले नयाँ गीत सार्वजनिक गरेकी छन्। उनले भ्यालेन्टाइन डेको अवसरमा ‘तिमीले चिरा पारेको मुटु हेर्ने भए आऊ’ बोलको गीत सार्वजनिक गरेकी हुन्।
गीतमा शब्द तथा संगीत कस्तुप पन्तको रहेको छ। गीत सारथी म्यूजिकको युट्युब च्यानलबाट सार्वजनिक भएको हो। भ्यालेन्टाइन विशेषका रुपमा यो गीत सार्वजनिक गरिएको संगीतकार एवं रचनाकार कस्तुप पन्तले बताए। यसको छिट्टैै म्यूजिक भिडियो तयार पार्ने योजनामा रहेको पन्तले बताए।
