गुल्मी– जिल्लाको क्वारेन्टाइनमा बसेका ३९६ मध्ये शुक्रबारसम्म ३२७ व्यक्ति घर फर्किसकेका छन्। भारत लगायत तेस्रो मुलुक र जिल्ला बाहिरबाट आएका अधिकांशलाई स्थानीय पालिकाकाले १४ दिनसम्म क्वारेन्टाइनमा राखेर घर पठाएका हुन्।
क्वारेन्टाइनमा रहेका सबैको आरडिटी र केही शङ्कास्पदको स्वाब परीक्षण गर्दा रिपोर्ट नेगेटिभ आएपछि उनीहरुलाई घर फिर्ता गरिएको गुल्मीका प्रमुख जिल्ला अधिकारी भरतकुमार शर्माले बताएका छन्। जिल्लाका १२ पालिकामा निर्मित १२८ क्वारेन्टाइनबाट १६१ को आरडिटीसमेत गरिसकिएको छ।
आरडिटी गरिएका १६१ र स्वाब परीक्षण गरिएका ७५ गरी सबैको रिपोर्ट नेगेटिभ आएको स्वास्थ्य कार्यालय गुल्मीका प्रमुख भवानीप्रसाद शर्माले जानकारी दिएका छन्। रासस
