कपिलवस्तु जिल्लाको शिवराज नगरपालिकाको कृषि शाखामा स्थानिय कृषकहरुले तालावन्दी गरेका छन्। बिषम् परिस्थीतीमा पनि कृषि क्षेत्रलाई उपेक्षा गरिएको भन्दै शनिबार कृषकहरुको रोहवरमा कृषि फार्म सञ्चालकहरुको एक समुहले शाखाको मुलगेटमा ताला लगाएको हो।
‘‘कृषि क्षेत्रमा स्थानिय निकायका जनप्रतिनिधीहरुको उत्तरदायित्व शुन्य देखिएकाले कृषि शाखाको महशुस नभएको हुँदा ताला लगाइएको हो’’, फार्म सञ्चालकहरुले भने।
लकडाउनका कारण किसानहरुको अवस्था नाजुक बन्दै जाँदा पनि राहत वीतरणमा तदारुकता नदेखाइएको, उत्पादित कृषि सामग्रीहरुको व्यवस्थापनमा चासो नदीएको भन्दै किसानहरु आक्रोशीत भएका हुन्। ‘‘कृषि मन्त्रीकै प्रदेशको छिमेकी जिल्लाको यस्तो हालत छ’’, एक कृषकले भने, ‘‘किसानहरुको समस्या समाधानको लागि तत्काल पहल गरिनुपर्छ।’’
यता शाखा प्रमुख ताराचन्द चौधरीले किसानहरुसँग छलफल गरेर समस्या समाधानको लागि पहल गर्ने बताएका छन्। ‘‘खासै ठुलो कुरा त केहि थिएन्’’, उनले भने, ‘‘उहाँहरुले उत्पादन गर्नुभएको ताजा तरकारी विक्री नभएकाले तालाबन्दी गर्नुभएको हो।’’ लकडाउनका कारण सहज स्थिती नभएकाले उत्पादनले बजार नपाउनु अस्वभाविक नभएको उनले बताए।
लकडाउनका कारण विभिन्न योजनाहरु कार्यान्वयनमा जान नपाएको भन्दै उनले किसानहरुको हितको योजनाहरु कुनै हालतमा कघि बढाइने बताए। ‘‘यो आर्थिक वर्षको लागि २ करोड ३५ लाख हाराहारीको बजेट थियो’’ शाखा प्रमुख चौधरीले भने, ‘‘जसरी हुन्छ त्यो बजेटअनुसारको कार्ययोजनाहरु सम्पन्न् गर्छौ।’
