काठमाडाैं - प्रधानमन्त्री केपी शर्मा ओलीले सर्वदलीय बैठक बोलाएका छन्। बैठक आज साँझ ५ बजे प्रधानमन्त्री निवास बालुवाटारमा हुने प्रधानमन्त्रीका प्रेस सल्लाहकार सुर्य थापाले जानकारी दिएका छन् ।
प्रधानमन्त्री ओलीले कोभिड १९ महामारी रोकथाम र नियन्त्रण तथा संविधान संशोधनको विषयमा छलफल गर्न सर्वदलीय बैठक आह्वान गरेका हुन् ।
सुर्य थापाका अनुसार बैठकमा सत्तारुढ नेकपा, प्रमुख प्रतिपक्षी दल कांग्रेस, जनता समाजवादी पार्टीका नेतालाई आमन्त्रण गरिएको छ।
यसअघि पनि सरकारले लिम्पियाधुरा, लिपुलेक, कालापानीसहितको भूभाग समेटेर नक्सा जारी गर्ने निर्णय गरेपछि त्यसबारे छलफल गर्न प्रधानमन्त्री ओलीले बालुवाटारमा सर्वदलीय बैठक बोलाएका थिए ।
