काठमाडौं– आन्तरिक राजश्व विभागले कर बुझाउने म्याद बढाएको छ। मंगलबार मात्र विभागले जेठ २५ गतेभित्र कर तिरिसक्नु पर्ने भन्दै सूचना जारी गरेको थियो। त्यस्तै कर समयमा नबुझाए जरिवााना लाग्ने सूचनामा उल्लेख गरिएको थियो।
त्यसको चौतर्फी आलोचना भएपछि विभागले नयाँ सूचना निकालेर कर तिर्ने म्याद थप गरेको हो।
मूल्यअभिवृद्धि कर र अन्तस्शुल्क असार ७ गतेसम्म बुझाउनु पर्ने जारी सूचनामा उल्लेख छ। त्यस्तै गएको फागुन, चैत र वैशाखको शिक्षा सेवा शुल्क, दुर सञ्चार सेवा दस्तुर, टेलिफोन स्वामित्व शुल्क पनि असार ७ गते भित्रै बुझाउनुपर्ने छ।
चैत्र महिनामा नै बुझाउनु पर्ने आर्थिक वर्ष २०७६–७७ को संसोधित अनुमानित आयकरको दोस्रो किस्ता बापतको रकम भने असार १५ भित्र बुझाउनुपर्ने छ।
