नेपाल टेलिकमले आफ्ना ग्राहकलाई डाटा सेवामा उपलब्ध गराएको ‘स्टे कनेक्टेड अफर’को अवधि थप गरेको छ। टेलिकमले स्टे कनेक्टेड अफर अन्तर्गतको डेटा सेवाको अवधि जेठ ३२ गते अर्थात जुन १४ सम्म बढाएको हो।
याे अफर अन्तर्गतकाे पहिलो प्याकेजमा कम्पनीका ग्राहकले एक सय रुपैयाँमा एक जीबी डाटा खरिद गर्दा ३ जीबी डाटा बोनस स्वरुप प्राप्त गर्नेछन्। कम्पनीकाे अनुसार प्राप्त हुने ३ जीबी डाटा बोनस कम्पनीको फोरजी नेटवर्कमा ५ दिनभित्र खपत गर्नुपर्नेछ। यसरि ग्राहकले एक सय रुपैयाँमा बोनससहित कुल ४ जीबी डाटा प्राप्त गर्नेछन्।
दोश्रो प्याकेजमा २ सय रुपैयाँमा २ जीबी डाटा खरिद गर्दा ८ जीबी डाटा बोनस स्वरुप प्राप्त हुनेछ। प्राप्त हुने ८ जीबी डाटा बोनस कम्पनीको फोरजी नेटवर्कमा ७ दिनभित्र खपत गरिसक्नु पर्नेछ। यसरी दोश्रो प्याकेजमा ग्राहकले २ सय रुपैयाँमा बोनससहित कुल १० जीबी डाटा प्राप्त गर्नेछन्।
कम्पनीकाे याे अफर *१४१५*१०# डायल गरेर खरिद गर्न सकिने छ। यसकाे अलवा टेलिकमको वेबसाइट तथा मोबाइल एप बाट समेत खरीद गर्न सकिने टेलिकमले जानकारी दिएको छ।
