काठमाडौं – ११ जना नेपाली नागरिक लिएर अस्ट्रेलियाबाट नेपाल एयरलाइन्स फर्किएको छ। नेपालले विदेशमा रहेका आफ्ना नागरिक उद्धार गर्ने तयारी गरिरहेका बेला नेपाल एयरलाइन्सले ११ यात्रु बोकेर नेपाल आउन थालेको छ। त्रिभुवन विमानस्थल स्रोतका अनुसार साे विमान मंगलबार राति १० बजे नेपालमा अवतरण गर्नेछ।
सरकारले विदेशमा रहेका आफ्ना नागरिकलाई प्राथमिकताअनुसार उद्धार गर्ने बताइरहेका बेला विभिन्न देशमा रहेका नेपाली दुतावासले तथ्यांक संकलन गरिरहेका छन्। पछिल्लो तथ्यांकअनुसार अमेरिकामा एक हजार र अस्ट्रेलियामा करिब १४ सय जनाले नेपाल फर्कने भन्दै फर्म भरेका छन्।
यसअघि नेपाल एयरलाइन्सको विमान सोमबार नेपालबाट करिब ३ सय यात्रु बोकेर अस्ट्रेलिया उडेको थियो। नेपाल एयरलाइन्सले केही दिन अघि जापानबाट पनि सात जना नेपाली बोकेर ल्याएको थियो।
